काठमाडौं ।
गायिका रचना रिमाल चढेको गाडीदुर्घटना भएको छ। उनी चढेको गाडीलाई ट्रकले ठक्कर दिएको हो ।
नेपालगन्जबाट दाङ लमहीको जाँदै गर्दा बाँकेको सिक्टा नजिकै आइतबार साँझ ५ बजे बा प्र ०३.०१ ख २११८ को नम्बरको ट्रकले रिमालसहित अन्य सवार गाडीलाई ट्रकले ठक्कर दिएको हो ।
दाङ लमही महोत्सवमा जाँदै गर्दा सो दुघटना भएको भन्दै गायिका रिमालले सामाजिक सञ्जाल फेसबुकमार्फत जानकारी गराएकी छिन् ।
उनले सो कारण आज हुने भनिएको प्रस्तुति भोलि हुने पनि जानकारी गराएकी छिन् ।
सोही गाडिमा सवार पत्रकार शिवु खनालले सामाजिक सञ्जालमार्फत आफूहरु ठूलो दुर्घटनाबाट बचेको उल्लेख गरेका छन् ।
