– स्वास्थ्य ब्युरो।
मानव शरीरका विषयमा हामीहरूले अनेक किसिमका भ्रम पालिरहेका हुन्छौं । यहाँ हामी त्यस्ता आठवटा भ्रमका बारेमा कुरा गर्नेछौं ।
दिमागको उपयोग
हामीले दिमागको जम्मा १० प्रतिशत मात्र उपयोग गर्छौं भन्ने कुरा गलत हो । खासमा हामी जुन काम गरिरहेका हुन्छौं त्यस काममा हाम्रो दिमागको १० प्रतिशत भाग मात्र उपयोग हुन्छ । तर दिमागको ९० प्रतिशत भागले कामै गर्दैन भन्नु गलत हो ।
औंला पड्काउँदा गाँठो पर्ने
औंला पड्काउनुसँग गाँठो पर्ने कुराको कुनै साइनो छैन । पड्काउँदा आउने आवाजले अरूलाई झर्को लगाउन चाहिँ सक्छ ।
गर्मीको धेरै भाग टाउकोबाट निस्कन्छ
धेरै मानिस यसलाई सही मान्छन् तर आधुनिक वैज्ञानिकहरूले शरीरको सात प्रतिशत गर्मी मात्र टाउकोबाट निस्कने कुरा प्रमाणित गरेका छन् । हुन पनि टाउकोले हाम्रो शरीरको जम्मा ७ प्रतिशत भाग मात्र ओगट्छ ।
इन्द्रिय संख्या
हामीहरूको पाँच ज्ञानेन्द्रिय र पाँच कर्मेन्द्रिय छन् भन्ने मान्यता छ । तर आधुनिक विज्ञानले हाम्रो ३३ भन्दा बढी इन्द्रिय भएको प्रमाणित गर्छ ।
चकलेट खाँदा डण्डीफोर आउने
सुगर र फ्याट बढी हुने खानेकुरा खाँदा छाला तैलीय हुन्छ र डण्डीफोर आउँछ । तर चकलेट खाएर डण्डीफोर हुन्छ भन्ने कुरा सही होइन ।
मृत्युपछि बढ्छन् कपाल र नङ
यो असत्य हो । मृत्युपछि छाला खुम्चिन थाल्छ जसले गर्दा नङ ठूलो भएको जस्तो देखिन्छ ।
गाजर खाएर आँखा तेजिलो हुन्छ
गाजरले आँखाको रक्षा गर्ने कुरा साँचो हो तर यसले आँखाको प्रकाशलाई कुनै फरक पार्दैन । गाजरमा ठूलो मात्रामा बीटा–क्यारोटिन पाइन्छ जसले रेटिनोललाई भिटामिन एमा परिवर्तन गरिदिन्छ । यसैले आँखाको रक्षा गर्छ ।
चुइंगम पचाउन सात वर्ष लाग्छ
चुइंगम कहिलेकाहीँ झुक्किएर निलिन्छ कहिलेकाहीँ । तर यसलाई पचाउन सात वर्ष लाग्ने कुरा झुटो हो ।
एजेन्सी
