न्युयोर्क ।
विश्वका सर्वाधिक धनी अर्बपति एलन मस्क आफ्ना आलोचक र प्रशंसकहरूमाझ अन्य प्रमुख कार्यकारिणी अधिकारी (सीईओ)हरू भन्दा पृथक रूपमा चिनिन्छन् ।
कसैले टेस्ला र स्पेस एक्सका मालिक उनलाई सन्काहा पाराको र अनियन्त्रित तथा उनको स्वभाव अनुमान नै गर्न नसकिने भन्दै भय प्रकट गर्छन् । तर, केहीले उनलाई कसैले सोचेजस्तो कहिल्यै पाउने सक्तैनन् भन्दै प्रशंसा गर्छन् ।
युक्रेनमा रुसले आक्रमण गरेको विषयलाई लिएर बाहिरिएको उनको अभिव्यक्तिले उनी साँच्चै अन्य सीईओ भन्दा फरक रहेको प्रमाणित गरेको छ । विश्वका थुप्रै चर्चित व्यापारिक कम्पनीहरूले रुसमा आफ्ना गतिविधि र सेवा बन्द गर्ने घोषणा गरिसकेका छन् । तर, ती कम्पनीका कुनै पनि नेतृत्वले रुसी युद्धलाई लिएर निजी विचार व्यक्त गरेका छैनन् ।
प्रायले अमेरिका, युरोपेली संघ र तिनीहरूका गठबन्धनले रुसविरुद्ध नाकाबन्दी घोषणा गरेकाले आफूहरूले रुसमा गतिविधि रोक्नुको विकल्प नै नभएको बताउने गरेका छन् । उनीहरूले सामाजिक विषयहरूमा तटस्थ रहन्छन् ।
तर, विवादास्पद व्यापारी मस्कले भने ट्विटरमार्फत युक्रेनको पक्षमा खुलेर अभिव्यक्ति दिएका छन् । उनले शुक्रबार राति टेस्लाको (टीएसएलए)–गेट टेस्ला इन्क रिपोर्टमा ‘शक्तिशाली बनेर टिकीरहनू युक्रेन’ लेखेका छन् । यस सन्देशका दाँया र बाँयामा उनले तीनवटा युक्रेनी झण्डा पनि राखेका छन् ।
उनले आफ्नो छनौटबारे कसैलाई शंका नहोस् भन्ने उद्देश्यले दोस्रो सन्देश पोस्ट गर्दै यो युद्ध नचाहने रुसी नागरिकप्रति सहानूभुति प्रकट गरेका छन् ।
युद्धको दौरान इन्टरनेट सेवाहरू अवरुद्ध हुन पुगेको युक्रेनका लागि आफ्नो स्पेस एक्स कम्पनीले डिजाइन गरेको स्टारलिन्क स्याटेलाइट इन्टरनेट एक्सेस टर्मिनल्स पठाएर सहयोग गरेका थिए । तर, मस्कले स्टारलिन्कको युक्रेनी प्रयोगकर्ताहरूलाई रुसबाट आक्रमणलगायत साइबर ह्याकिङसमेतको खतरा हुनसक्ने चेतावनी दिँदै एन्टेनादेखि टाढै बस्न सल्लाह दिएका थिए ।
स्टारलिन्क युक्रेनका केही भागमा सञ्चालित एकमात्र गैर रुसी सञ्चार प्रणाली भएकाले पनि त्यसलाई लक्षित गरेर आक्रमण हुनसक्ने मस्कको भनाइ थियो । साथै उनले युक्रेनी जनतालाई काम परेकाबेला मात्र स्टारलिन्कलाई चलाउन सल्लाह पनि दिएका छन् ।
यसरी युक्रेनलाई स्टारलिन्क इन्टरनेट सेवा प्रदान गरेको केही दिनपछि नै उनले युक्रेनको खुलेरै समर्थन गरेका हुन् । उनले आफ्नो स्पेस एक्सले स्टारलिन्कलाई कतैबाट हस्तक्षेप हुनबाट भने जोगाउने बताएका छन् ।
तर उनले अभिव्यक्ति स्वतन्त्रताका आफू पक्षधर भएको भन्दै स्टारलिन्कतर्फको रुसी सञ्चार पहुँच रोक्न अस्वीकार गरेका छन् । यद्यपि सो सञ्चार पहुँच रोक्न युक्रेनले नभई विश्वका अन्य मुलुकहरूले भनेका हुन् ।
आफ्नो रकेट तथा अन्तरिक्ष प्रविधि कम्पनी स्पेस एक्समार्फत मानिसलाई मंगल ग्रह र चन्द्रमाको यात्रा गराउने मस्कको योजना हो । स्पेस एक्सले अहिलेसम्म २ हजार वटा भन्दा बढी स्टारलिन्क स्याटेलाइट प्रक्षेपण गरिसकेको छ । यसको करिब १२ हजार स्याटलाइट प्रक्षेपण गर्ने लक्ष रहेको छ ।
