चितवन।
विदेश पठाइदिन्छु भन्दै ठगी गर्ने एक महिला पक्राउ परेकी छीन् ।
जिल्ला प्रहरी कार्यालय चितवनले खैरहनी ७ सुर्तना बस्ने ३८ वषीया मिना चौधरीलाई पक्राउ गरेको हो ।
उनले वैदेशिक रोजगारमा राम्रो कमाई हुने, आफूले चिनजानका तथा आफन्तबाट भिसा मगाएर कम रकममा नै विदेश पठाई दिन्छु भनि ठगी गरेको प्रहरीले जनाएको छ ।
हालसम्म उनले ३८ जना व्यक्तिहरुसँग ४५ लाख ५० हजार रुपैयाँ रकम लिई ठगी गरेको सूचना पाएपछि प्रहरीले पक्राउ गरेको हो ।
उनलाई चितवन जिल्ला अदालतबाट म्याद अनुमती लिई ठगी मुद्दामा थप अनुसन्धान भईरहेको प्रहरीले जानकारी दिएको छ ।
