लण्डन ।
अल्डरसटमा नेपाली व्यवसायीहरुले सञ्चालन गरेका सुनका गहना पसलमा भएको चोरी भएको छ ।
शुक्रबार बिहान ती पसलहरुबाट ठूलो परिमाणमा सुनचाँदीका गहनाहरु चोरी भएको प्रहरीले जनाएको छ । प्रहरीका अनुसार शुक्रवार बिहान करिब ३ः२० मा स्टेसन रोडमा रहेको अनुग्रह ज्वेलर्स र भिक्टोरिया रोडमा रहेको न्यू लक्ष्मी ज्वेलर्समा डकैती भएको हो ।
दुवै घटनामा प्रयोग भएको सिल्भर रङको ल्याण्डरोभर डिस्कभरी भिक्टोरिया रोडमा छाडिएको अवस्थामा प्रहरीले फेला पारेको छ । त्यस्तै चोरी गर्दा गाडीले हानेर सटर फुटाइएको पाइएको छ । घटनाबारे जानकारी भएपछि प्रहरीले अनुसन्धान अघि बढाएको छ ।
एक अपिल जारी गर्दै प्रहरीले चोरीको बारेमा थाहा भएमा सर्वसाधारणलाई सूचना दिन आग्रह गरेको छ । सर्वसाधारणहरुले दिएको सूचनाको आधारमा चोरीमा संलग्न हुने मानिसहरुलाई पक्राउ गर्न र पीडितलाई क्षतिपूर्ति दिन सजिलो हुने भन्दै प्रहरीले यस्तो आग्रह गरेको हो ।
प्रहरीले चोरीमा संलग्नहरुलाई पक्राउ गर्न अनुसन्धान अघि बढाएको छ ।प्रहरीले आफूहरुले भेटेका सिसिटिभी फुटेज, डोरबेल, ड्यासक्यामहरुबारे प्रहरीलाई जानकारी दिन भनेको हो । यदि यसप्रकारका सूचनाहरु भएमा प्रहरीलाई १०१ मा फोन गरी ४४२१०४९४५०६ उल्लेख गर्न सकिने छ । यसैगरी क्राइमस्टोपर्सको फोन ०८००५५५१११ मा नाम उल्लेख नगरी जानकारी दिन सकिने छ ।
