भोजपुर।
भोजपुरको रामप्रसाद राई गाउँपालिका र हतुवागढी गाउँपालिकालाई जोड्ने कावा खोलाको निर्माणधीन पुल भाँचिएको छ।
पुल भाँचिएसँगै यसको निर्माणकार्य अन्योलमा परेको स्थानीय जनप्रतिनिधिहरुले बताएका छन्।
पुल रु पाँच करोडभन्दा बढीको लागतमा निर्माण भइरहेको थियो।
तस्बिर : युवराज विष्ट/रासस
यो पनि पढ्नुहोस् !
यात्रा प्रतिबन्ध लगाउनेलाई विश्व स्वास्थ्य संगठनको चेतावनी
लन्डन।
विश्व स्वास्थ्य संगठनले हतारमा यात्रा प्रतिबन्ध लगाएका देशहरुलाई चेतावनी दिँदै वैज्ञानिक आधारमा मात्र खतराका बारेमा दृष्टिकोण बनाउन भनेका छन् । यद्यपि ब्रिटेन, अमेरिका र युरोपेली मुलुकका अतिरिक्त अन्य देशले पनि यात्रा प्रतिबन्धको घोषणा गरेका छन् ।
भारतले पनि दक्षिण अफ्रिका, बोत्सवाना र हङकङबाट आउने यात्रीलाई कडाइका साथ जाँच गर्न आदेश दिएको छ । जापानले शनिबारदेखि दक्षिण अफ्रिकी देशसँग आवतजावतमा प्रतिबन्ध लगाउने घोषणा गरेको छ । ब्राजिलले पनि अफ्रिकाका ६ मुलुकसँग आवतजावतमा प्रतिबन्ध लगाइने जनाएको छ ।
उता, दक्षिण अफ्रिकाका स्वास्थ्यमन्त्री जो फाहलाले आफ्नो मुलुकमा आउने र यहाँबाट जाने विमानमा लगाएको प्रतिबन्धलाई अनुचित संज्ञा दिएका छन् । यस्तो प्रतिबन्ध विश्व स्वास्थ्य संगठनले तय गरेको मानदण्ड र मानक विपरीत रहेको उनको भनाइ छ ।
