लन्डन।
फेसबुक सहित कम्पनीका सबै एपको सेवा डाउन भएको छ । सोमबार फेसबुकसँगै ह्वाट्सएप, इन्स्टाग्राम र म्यासेञ्जरको सेवा एक्कासी अवरुद्ध भएको हो ।
विश्वका अधिकांस देशमा फेसबुक, म्यासेञ्जर, ह्वाट्सएप र इन्स्टाग्रामको सेवा पूर्णतः बन्द भएको छ ।
डाउन डिटेक्टरमा गरिएको रिपोर्ट अनुसार नेपाल सहित एसिया, अमेरिका, युरोप लगायतका विभिन्न देशमा कम्पनीको सेवा अवरुद्ध भएको हो ।
डाउन डिटेक्टरमा ठूलो संख्यामा प्रयोगकर्ताले फेसबुक डाउन भएको रिपोर्ट गरेका छन् ।
फेसबुकको सेवा अवरुद्ध भएको केही मिनेटमै हजारौले त्यसको रिपोर्ट डाउन डिटेक्टरमा गरेका हुन् ।
