लिस्बन।
लिस्बनको काई दो सोद्रेमा एक व्यक्तिको गोली हानी हत्या भएको छ। घटना काई दो सोद्रेको ट्रेन स्टेशन अगाडी भएको हो।
आइतवार बिहान करिब २: ३० बजे घटना भएको प्रहरीले जनाएको छ।
घटनामा मारिएका व्यक्तिको बिवरण र उमेर प्रहरीले अझै पत्ता लगाउन सकेको छैन।
घटना किन र के कति कारणले भएको भन्ने बारेमा प्रहरीले अनुसन्धान गरिरहेको छ।
पीएसपी प्रहरीका अनुसार मृतकलाई दुई गोली प्रहार गरिएको छ।
पिडितको उद्धार गरि लिस्बनको साउ जोजे अस्पतालमा लागिएको थियो जहाँ चिकित्सकहरुले उनलाई मृत घोषित गरेका थिए।
घटनास्थलमा प्रहरी पुग्नुभन्दा पहिले नै संदिग्ध व्यक्ति भागिसकेका थिए। सो घटनाको अहिले न्यायिक प्रहरीले अनुसन्धान गरिरहेको छ।
