काठमाडौं ।
नेपाली राष्ट्रिय महिला भलिबल टोलीले भदौ १३ देखि १८ गतेसम्म फिलिपिन्समा हुने एभिसी सिनियर महिला भलिबल च्याम्पियनसिपमा सहभागि हुनबाट बन्चित भएको छ ।
एभिसीले शुक्रबार सार्वजनिक गरेको समूह तालिकामा ८ टोलीको मात्र सहभागिता रहने भएको छ । समूह ‘ए’ मा आयोजक फिलिपिन्स, कजकास्तान र चाइनिज ताइपेइ छन् । समूह ‘बी’ मा थाइल्यान्ड, दक्षिण कोरिया, इरान र अष्ट्रेलिया छन् ।
सुरुमा १७ टोली सहभागी हुने भनिएको प्रतिस्पर्धामा पाँच टोलीले नाम फिर्ता लिएपछि १२ टोलीले खेल्ने पक्का भएको थियो । तर, एभिसीले सार्वजनिक गरेको खेल तालिकामा नेपाल, भारत, हङकङ र जापानको नाम समावेश गरिएको छैन । कोरोना संक्रमणका कारण यी देशहरू सहभागी नभएको बुझिएको छ ।
