काठमाडौं ।
नेपालमा कोरोनाबाट निको हुने भन्दा संक्रमित हुनेको संख्या बढी रहेको छ ।
लगातार सातौं दिन निको हुने भन्दा संक्रमित थपिनेको संख्या बढेको हो । आइतबार ९ हजार २ सय १८ जनाको परीक्षण भएकामा १ हजार ८ सय २१ जना संक्रमित भएका छन् ।
५ हजार ५ सय ३५ जनाको पीसीआर परीक्षण भएकामा १२ सय ३७ अर्थात् २२.३ प्रतिशतलाई संक्रमण भएको छ । त्यस्तै ३ हजार ६ सय ८३ एन्टिजेन परीक्षणबाट ५ सय ९४ जना संक्रमित भएका हुन् । आइतबार १५ सय ३३ जना संक्रमणमुक्त भएका छन् ।
त्यस्तै २० जनाको मृत्यु भएको छ । अहिलेसम्म ९ हजार ३ सय ८२ जनाको मृत्यु भइसकेको छ ।
नेपालमा कुल संक्रमितको संख्या ६ लाख ९९ हजार ८८ पुगेको छ । जसमध्ये ६ लाख १९ हजार ८ सय ९४ जनालाई निको भएको छ ।
हाल सक्रिय संक्रमितको संख्या २६ हजार १ सय ७३ रहेको छ ।
