चिकित्सा शिक्षा आयोगमाथि हस्तक्षेप गरी सरकारले अमुक मेडिकल कलेजलाई सम्बन्धन दिन लागेको भन्दै त्यसको विरोधमा प्रदर्शन गर्दा बालुवाटारबाट पक्राउ परेका १८ जना अभियन्तालाई तत्काल रिहा गर्न एमनेस्टी इन्टरनेसनलले आग्रह गरेको छ ।
आज पक्राउ परेका अभियन्तालाई तुरुन्तै छाडिदिन मानवीय स्वतन्त्रताकाे क्षेत्रमा सक्रिय उक्त संस्थाले आग्रह गरेको हो ।
प्रहरीले साहित्यकार, लेखक खगेन्द्र संग्रौलासहित नारायण वाग्ले, सञ्जीव उप्रेति, युग पाठक भास्कर गौतमलगायत १८ जना अभियन्तालाई पक्राउ गरी मालिगाउँ वृत्तमा राखेको छ ।
