gaga
काठमाडौं । नेपाली कांग्रेसका नेता गगन थापाले गणतन्त्रलाई समाल्ने र पद्धतिलाई मजबुत बनाउने जिम्मेवारी सबैको भएको बताएका छन् ।
गणतन्त्र दिवसको शुभकामना दिँदै नेता थापाले गणतन्त्रको हुर्मत लिने पात्रहरुलाई बदल्नु पर्ने बताएका छन् ।
“गणतन्त्रको अवमूल्यन गर्ने, लोकतन्त्र र संविधानकै हुर्मत लिन खोज्ने पात्रसँग प्रश्न छ, प्रवृत्तिसँग आक्रोश छ । ती पात्रलाई बदल्दै र प्रवृत्तिलाई निस्तेज गर्दै जनताले अनुभूति गर्ने गरी गणतन्त्रलाई समाल्ने र पद्धतिलाई मजबुत बनाउने जिम्मेवारी हाम्रै हो,” उनले सामाजिक सञ्जालमा लेखेका छन् ।
