एजेन्सी ।
अफगानिस्तानको राजधानी काबुलमा एक विद्यालय नजिकै भएको बिस्फोटमा कम्तिमा ३० जनाको मृत्यु भएको छ ।
घटनामा परेर दर्जनौ घाइते भएको बीबीसीले जनाएको छ । विदाको दिन बिहानै विद्यार्थीहरु भवन बाहिर निस्कने क्रममा सो विस्फोट भएको त्यहाँको सरकारले जनाएको छ ।
मृत्यु हुनेहरु अधिकांश बालिका रहेको समाचारमा जनाइएको छ । सो विस्फोटको घटना तालिवानी आतंककारीले गराएको हुनसक्ने सरकारी आशंका भएपनि कुनै पनि संगठनले जिम्मेवारी लिएका छैनन् ।
अफगान अधिकारीहरुले कारमा मोटार प्रहार गरी विस्फोट गराइएको दावी गरेका छन् ।
पश्चिमी काबुलमा हजारा अल्पसंख्यक समुदायका मानिसहरु बसोबास गर्छन् । गत वर्ष पनि सोही स्थानको प्रसुती अस्पतालमा विस्फोट हुँदा २४ जना सुत्केरी र नवजात शिशुहरुको मृत्यु भएको थियो ।
अमेरिकाले आफ्ना सेना फिर्ता लैजाने घोषणा गरेसँगै अफगानिस्तानमा फेरि हिंसात्मक गतिविधिहरु हुन थालेको अनुमान गरिएको छ ।
यता अमेरिकालगायत विभिन्न मुलुकले आफ्नो राजनीतिक स्वार्थ पूरा गर्न बालबालिकाको हत्या गरिएको भन्दै सो घटनाको निन्दा गरेका छन् ।
उनीहरुले राजनीतिक अभिष्ट पूरा गर्न बालबालिकालाई निशानामा पार्नु दुखद भएको टिप्पणी गरेका छन् ।
सन् २०१८ मा पनि आईएस लडाकू समूहले ट्यसन सेन्टरमा आक्रमण गर्दा ७० जना बालबालिकाको मृत्यु भएको थियो ।
आईएस र अफगान सरकारबीच वार्ताको प्रयास जारी रहेका बेला भएको विस्फोटको घटनाले समस्या समाधानका लागि दुवै पक्षलाई दवाव बढेको समाचारमा जनाइएको छ ।
