टि–ट्वेन्टी क्रिकेटमा नेपालका कुशल’को विश्व कीर्तिमान !

काठमाडौं ।

नेपाली ब्याट्सम्यान कुशल भुर्तेलले डेब्यु खेलमै लगातार तेस्रो अर्धशतक प्रहार गर्दै विश्व कीर्तिमान राख्न सफल भएका छन् ।

काठमाडौंमा भइरहेको त्रिकोणात्मक टी–ट्वेन्टी सिरिजमा डेब्यु खेलपछि लगातार तीन खेलमा अर्धशतकीय पारी खेल्दै कुशलले विश्व कीर्तिमान कायम गरेका हुन् ।

मंगलबार नेपालले नेदरल्याण्डविरुद्ध खेलेको टि–ट्वेन्टी खेलमा पनि तेस्रो अर्धशतक प्रहार गर्दै कुशलले कीर्तिमान आफ्ना खातामा पारेका हुन् ।

लगातार तीन खेलमा ओपनिङ गर्दै अर्धशतक प्रहार गरेका कुशलले यसअघि सोमबार मलेसियाविरुद्ध अविजित रहँदै ६१ रन बनाएका थिए भने पहिलो खेलमा नेदरल्याण्ड्सविरुद्ध नै अर्धशतक हानेका थिए ।

टी–ट्वेन्टी अन्तर्राष्ट्रिय क्रिकेटमा हालसम्म डेब्यु ब्याट्सम्यानहरुले लगातार तीन खेलमा अर्धशतक प्रहार गर्न सकेका थिएनन् ।

तेस्रो अर्धशतक पूरा गर्ने क्रममा कुशलले नेदरल्याण्ड्सविरुद्ध १३ औं ओभरमा अर्धशतक हानेका थिए । उनले ६२ रन प्रहार गरे ।

टी–२० अन्तर्राष्ट्रियमा लगातार तेस्रो अर्धशतक प्रहार गर्ने पहिलो नेपाली खेलाडी बन्दा उनी नेपालका लागि सर्वाधिक अर्धशतक प्रहार गर्नेमा दोस्रो स्थानमा पनि उक्लेका छन् ।

नेदरल्याण्ड्सविरुद्ध पहिलो खेलमा डेब्यु गर्दा ६२ रन बनाएका उनले मलेसियाविरुद्ध दोस्रो खेलमा भने अविजित ६१ रन बनाएका थिए ।

तपाईको प्रतिक्रिया

Loading...

सम्बन्धित समाचार