साईबर अट्ट्याकको शिकार भए सरोज खनाल र दीपाश्री निरौला: दुबैको फेसबुक ह्याक

काठमाडौं ।

अभिनेता सरोज खनाल र निर्देशक एवं कलाकार दीपाश्री निरौलाको फेसबुक ह्याक भएको छ । बिहीबार दिउँसो उनीहरूको फेसबुक ह्याक भएको कलाकार दीपकराज गिरीले जानकारी दिनुभयो ।

पहिला सरोज खनालको फेसबुक ह्याक भएको र सोहीमार्फत ह्याकरले दीपाश्रीको फेसबुक ह्याक गरेको अभिनेत्री दीपाश्री निरौलाले बताउनुभयो ।

निर्देशक निरौलाले सरोज खनालको फेसबुकबाट एउटा कोड पठाउन अनुरोध भएपछि आफूले कोड पठाएको बताउनुभयो । त्यसलगत्तै फेसबुक ह्याक भएको उहाँको भनाइ छ ।

ह्याक भएको फेसबुकमार्फत पैसाको माग भइरहेको निरौलाले बताउनुभयो । कलाकार दीपकराज गिरीले पनि सामाजिक सञ्जालमा एक स्टाटस राख्दै ह्याकरले चलचित्रकर्मीको फेसबुक ह्याक गर्दै पैसा माग्न थालेको उल्लेख गर्नुभएको छ ।

फेसबुक ह्याक भएपछि अभिनेता खनाल र निर्देशक निरौला प्रहरीको साइबर ब्यूरोमा जान लागेका छन् ।

तपाईको प्रतिक्रिया

Loading...

सम्बन्धित समाचार