वैशाखसम्म मेलम्चीको पानी उपभोक्तको धारामा

काठमाडौँ ।

बहुप्रतीक्षित मेलम्ची खानेपानी आयोजनाको निर्माण अन्तिम चरणमा पुगेको छ ।

आयोजनाले आगामी वैशाखदेखि काठमाडौंका उपभोक्ताको धारामा पानी आउने गरी तयारी गरिरहेको छ । सुरुङ निर्माण कार्य सकिएपछि सोमवारदेखि पानी भर्न थालेर परीक्षण गरिने आयोजनाले जनाएको छ । उक्त सुरुङ साढे २६ किलोमिटर लामो रहेको छ । सुरुङमा सोमबारदेखि पानी भर्न थालेर परीक्षण गर्न खानेपानी मन्त्रालय र मेलम्ची खानेपानी विकास समितिले आवश्यक प्राविधिक सम्पूर्ण काम पूरा गरेको छ । सोमवार आयोजनास्थल मेलम्चीमै औपचारिक कार्यक्रम राखेर पानी भर्न सुरु गरिने मन्त्रालयले जनाएको छ । सिन्धुपाल्चोकको मेलम्ची खोलादेखि काठमाडौंको सुन्दरीजलसम्मको साढे २६ किलोमिटर सुरुङ भर्न १६ दिन लाग्नेछ ।

गत असारमै सुरुङमा पानी भनेर परीक्षण गरिएको थियो । तर, हेलुम्बु गाउँपालिका–१ स्थित अम्बाथानको अडिटको मुख्य गेट (नं. १७) फुटेर निस्केको पानीले आयोजनाका एक इन्जिनियर र चालकलाई बगाएको थियो । त्यसपछि आयोजनाको मुख्य दातृ निकाय एसियाली विकास बैंक (एडीबी) को अनुदान सहयोगअन्तर्गत चारजना विशेषज्ञहरुको टोलीले सुरुङ, मुहानस्थल, गेट लगायतका संरचनाको पुनः जाँचका गरेको थियो । विशेषज्ञहरुको निरीक्षण रिपोर्ट र उनीहरुले दिएका महत्वपूर्ण सुझावलाई समावेश गरी पुनः परीक्षण गर्न लागिएको आयोजनाका कार्यकारी निर्देशक तिरेश खत्रीले बताउनुभयो ।

परीक्षणका क्रममा कुनै दुर्घटना नहोस् भन्नका लागि आयोजनाले यसपालि विशेष सतर्कता अपनाइएको छ । उद्दारका लागि हेलिकप्टर समेत स्ट्याण्डबाइ राखिएको छ ।

दैनिक १७ करोड लिटर पानी ल्याउने सुरुङको क्षमता ६ हजार लिटर प्रतिसेकेण्ड छ । तर पहिलो चरणमा क्षमताको तीन प्रतिशत मात्र अर्थात् तीन सय लिटर प्रतिसेकेण्ड पानी छाडिने आयोजनाको योजना रहेको छ ।

आगामी चैत २५ गतेसम्म सुन्दरीजलस्थित पानी प्रशोधन केन्द्रको जलाशय भरिसक्ने आयोजनाको अनुमान छ । जलाशय भरिएपछि उपत्यकाको जनताको घरधुरीमा पानी छाडिनेछ ।

तपाईको प्रतिक्रिया

Loading...

सम्बन्धित समाचार