मास्क नलगाउँदा बेल्जियममा एक नेपालीलाई एक लाख तीन हजार रुपैयाँ जरिवाना !

केजिन राई, बेल्जियम।

लकडाउनभरि कैयौं उल्लंघनकर्ता जरिवाना र जेल गएका एचएनएल न्युजले बताएको छ। तर, सार्वजनिक स्थानमा मास्क नलगाउँदा दुई सय ५० रुपैयाँ जरिवाना तिर्नुपर्ने व्यवस्था छ। होटल, रेस्टुराँ र क्याफेमा सात सय ५० युरो सरकारले तोकेको छ।

यो साता लागू भएको नियमअनुरूप स्याङ्जाका अर्याल थरका एक नेपाली एक लाख रुपैयाँभन्दा बढी जरिवाना तिर्न बाध्य भएका छन्। लुभेनको सहरको मध्य भागमा अवस्थित बेल्जियन रेस्टुराँमा वेटर काम गर्ने उनी स्थानीय भाषामा पोख्त छन्। जरिवानाबारे पनि उनी जानकार थिए। उनले भने, ‘रेस्टुराँ खोल्ने तयारी सकेर अब मास्क लगाउनु पर्‍यो भन्दै थिएँ, दुईजना ग्राहक आएर खाने कुर्सीमा बसिहाले। कुराकानी सुरु गर्दागर्दै निरीक्षकहरू आइहाले।’

उनले गर्मीका कारण एकछिन मास्क नलगाएको बताए। तर नियमअनुसार नचलेको भन्दै उनलाई सात सय ५० अर्थात् एक लाख तीन हजार रुपैयाँ जरिवानाको रसिद थमाइएको थियो।

तपाईको प्रतिक्रिया

Loading...

सम्बन्धित समाचार