ओपेन्द्र बस्नेत, तुलसीपुर ।
ट्राफिक नियमको पालना गराउने तुलसीपुर ट्राफिक प्रहरी जीर्ण सडक मर्मतमा जुटेको छ । अन्य समयमा सडकमा बसेर ट्राफिक नियम पालना गरे या नगरेको भन्दै सवारी चेकजाँचमा खट्ने ट्राफिक प्रहरी सडकम मर्मतमा जुटेको हो ।
तुलसीपुर बजार भित्रका सडकमा ठूलठूला खाल्डा परेपछि संभावित हुनसक्ने सवारी दुर्घटना रोक्न ट्राफिक प्रहरीले ट्रिप्परमा ग्राभेल ल्याएर खाल्डाखुल्डी परेकोछ । ट्राफिक प्रहरीले बसपार्क क्षेत्र र बजारका विभिन्न सडकमा परेका खाल्डाखुल्डी पुरेपछि आवत जावतमा सहज र दुर्घटना न्युनिकरणमा समेत सहयोग पुगेको ट्राफिक प्रहरी कार्यालय तुलसीपुरका नन्द पोख्रेलले बताए ।
‘बजारैभरि खाल्डाखुल्डी हुँदा आवागमनमा समस्या थियो,’ ट्राफिक प्रमुख पोख्रेलले भने–‘ग्राभेल हालेर पुरेपछि अहिले सम्भावित हुनसक्ने सवारी दुर्घटना र खाल्डामा जमेको पानी पैदलयात्रुलाई छ्यापिने डर हटेको छ ।’
