काठमाडौं ।
अमेरिकामा लकडाउन खोलिएसँगै मिसौरीको सैलुनका एक संक्रमित कर्मचारीबाट ९१ जनामा कोरोना फैलिएको छ ।
संक्रमित हुनेमा ८७ जना ग्राहक छन् भने ७ जना सैलुनका कर्मचारी रहेका छन् । जुन कर्मचारीबाट संक्रमण फैलियो, ती व्यक्ति लकडाउन खोलिएको ८ दिनसम्म कोरोनाको लक्षण देखिँदासमेत काममा आएको मिसौरीका स्वास्थ्य अधिकारीले सीएनएनलाई जानकारी दिए ।
मिसौरीमा ४ मे देखि सैलुन खोलिएका थिए । यहाँ हालसम्म कोरोना संक्रमणका कारण ६ सय ७६ को मृत्यु भएको छ । ११ हजार ७ सय ५२ संक्रमित फेला परेका छन् ।
