काठमाडौँ |
शताब्दी पुरुष संस्कृतिविद् सत्यमोहन जोशी १ सय एक वर्षमा प्रवेश गरेका छन्।
वि.सं.१९७७ साल वैशाख ३० गते ललितपुरको बखुम्बहालमा जन्मिएका जोशी मंगबलार १०० वर्ष पूरा गरी एक सय एक वर्षमा प्रवेश गरेका हुन् । जोशीले नेपाली कला, संस्कृति र साहित्यमा महत्वपूर्ण योगदान दिएका छन् । जोशीको जन्मदिनका अवसरमा विभिन्न व्यक्ति, समुदायले शुभकामना दिएका छन् ।
लकडाउनका कारण जन्मदिन मनाउन कुनै औपचारिक कार्यक्रम आयोजना नगरिए पनि उहाँको परिवारले घरमै पूजा गरी जन्मदिन मनाएका छन् ।
गत वर्ष सय वर्षमा प्रवेश गरेको अवसरमा ललितपुर महानगरपालिकाले महानगरपालिका भर सार्वजनिक बिदा दिई विभिन्न कार्यक्रम गरी जन्मशताब्दी मनाएको थियो ।
जोशीले यसपटक आफूलाई शुभकामना दिनेहरुलाई धन्यवाद दिँदै अझै पनि केही असल काम गरेर जीवन बिताउन पाउँ भन्दै प्रार्थना गरेको बताएका छन् ।
