– एजेन्सी
बेलायती प्रधानमन्त्री बोरिस जोनसनले कोरोनाभाइरसविरुद्धको भ्याक्सिन बन्ने कुनै ग्यारेन्टी नभएको बताएका छन् ।
सोमबार दैनिक हुने प्रेस ब्रिफिङमा उपस्थित भएका बोरिसले अहिले नै कोरोनाभाइरस भ्याक्सिन बन्नेबारे कुनै निश्चितता नभएको बताएका हुन् । उनलाई बिफ्रिङमा कोरोनाभाइरस भ्याक्सिन बन्ने सम्भावना कति छ भनेर प्रश्न सोधिएको थियो ।
प्रश्नको जवाफमा उनले भने, ‘कुनै तरिकाबाट यसको ग्यारेन्टी छैन ।’
अनि उनले थपे, ‘सार्सको भ्याक्सिन १८ वर्षसम्म पनि बन्न सकेको छैन ।’
