एजेन्सी |
आधिकारिक तथ्यांकअनुसार रुसमा कोरोनाभाइरस संक्रमितको संख्या अब १ लाख ७७ हजार १ सय ६० भन्दा बढी पुगेको छ । अनि यीमध्ये ९२ हजार भन्दा धेरै रुसको राजधानी मस्कोमा मात्र भेटिएका छन् ।
अर्कोतिर मस्कोका मेयर सरगेई सोबयानिनले रुसमा वास्तविक संक्रमितको संख्या योभन्दा निकै धेरै भएको हुनसक्ने बताएका छन् । रुसको एक समाचार एजेन्सीसँग कुराकानी गर्दै उनले मस्कोमा मात्र झन्डै ३ लाख संक्रमित भएको हुनसक्ने अनुमान गरेका छन् ।
पछिल्ला २४ घन्टामा त्यहाँ ११ हजार २ सय ३१ जनामा कोरोनाभाइरस संक्रमण देखिएको छ । यो पछिल्ला पाँच दिनमा देखिएको सबैभन्दा बढी संक्रमित संख्या हो । रुसमा पछिल्ला पाँच दिन लगातार १० हजारभन्दा धेरै कोरोनाभाइरस संक्रमित भएका छन् ।
रुसमा अहिलेसम्म कोरोनाभाइरसका संक्रमितको संख्या १ हजार ६ सय २५ पुगेको छ ।
