– दिनेश गौतम, जीएनएन, साइप्रस।
साइप्रसमा एउटै कोठामा बस्ने एक नेपालीले अर्को नेपालीलाई गरे छुरा प्रहार गरी हत्या गरएका छन्।
ग्रामीण निकोसियामा बस्ने एक युवकले सामान्य बिबादको क्रममा आफ्नै रूममेटलाई छुरा रोपेपछि अर्का नेपालीको मृत्यु भएको हो।
स्थानीय मिडियाका अनुसार छुरा रोप्ने र मृतक दुबै नेपालका रहेको र दुबैको उमेर २१ बर्ष रहेको जनाएका छन्।
यो घटना निकोसिया जिल्लाको एभ्रीचौमा मंगलबार राति करिब १०:३० बजेतिर भएको थियो जहाँ संदिग्ध व्यक्तिले चक्कु समातेर पीडितलाई प्रहार गरी घाइते बनाए।
सोहि घरमा बस्ने अन्य नेपालीहरुले बिबाद र झगडा देखेका थिए। उनीहरुका अनुसार घरका कामकाजको बारेमा सामान्य बहस भएको थियो।
घटनाको पन्ध्र मिनेट पछि संदिग्धआफै हिडेर स्थानीय पुलिस स्टेशनमा गएर घटना बारे जानकारी गराएका थिए।
पुलिस तुरुन्तै घटनास्थलमा पुगे र घाइते नेपालीलाई स्थानीय अस्पतालमा आपतकालीन उपचार कक्षमा लागे, तर अस्पतालमा ड्युटीमा कार्यरत चिकित्सकले उनलाई मृत घोषित गरे।
प्रहरीले संदिग्ध व्यक्तिलाई हत्याको आरोपमा पक्राउ गरेको छ ।
