लिस्बन।
लकडाउनमा युरोपका पत्रकारहरुका लागि एकदिने खोज पत्रकारिता तालिम सम्पन्न भएको छ । नेपाल पत्रकार महासंघ पोर्चुगल शाखा र बेल्जियम शाखाको आयोजनामा आज तालिम सम्पन्न भएको हो ।
तालिममा खोज पत्रकारिताका सीमा, विधि, जोखिम, सावधानी र प्रकाशन प्रशारणबारे खोज पत्रकारिता केन्द्रकी निवर्तमान अध्यक्ष एवं सल्लाहकार नम्रता शर्मा र नेपाल पत्रकार महासंघका पूर्व अध्यक्ष एवं खोज पत्रकारिता केन्द्र नेपालका सम्पादक शिव गाउँलेले सहजीकरण गरेका थिए ।
पोर्चुगल , बेल्जियम, स्पेन, जर्मनी, फ्रान्स, साइप्रस, नेदरल्यान्डस, अष्ट्रिया, डेनमार्क र नेपाल गरी तालिममा १० देशका ४१ जनाको सहभागिता रहेको थियो । तालिम भिडियो कन्फ़्रेन्सिङ् प्रयोग गरी सञ्चालन गरिएको थियो ।
