लण्डन।
इंग्ल्याण्डका साथै लिड्स युनाइटेड फुटबल क्लबका पूर्व खेलाडी रहेका नरम्यान हन्टरको कोरोना भाइरस (कोभिड १९) का कारण ७६ वर्षको उमेरमा निधन भएको छ।
राम्रा सेन्टर ब्याक खेलाडीका रुपमा चिनिएका नरम्यानको समयमा उनले १९६९ र १९७४ मा लिड्सलाई लिग उपाधि नै जिताएका थिए। साथै इंग्ल्याण्डले १९६६ को विश्वकप जित्दा पनि उनी टिमका सदस्य थिए।
अप्रिल १० मा कोरोना भाइरसको संक्रमण देखिएपछि उनी अस्पताल भर्ना भएका थिए।
नरम्यानको निधनले क्लब र परिवारमा ठूलो क्षति परेको लिड्स युनाइटेडले विज्ञप्तीमार्फत जनाएको छ।
