घानामा लैजान लागिएका १२ नेपाली रोक्न एनआरएनएको अनुरोध, घानामा अलपत्र पारिएका २ नेपालीलाई नेपाल फर्काउने तयारी

काठमाडौँ ।

गैरआवासीय नेपाली संघ घानाले दलालहरुको दुस्चक्रमा परेर घाना पुर्याउन खोजिएका १२ नेपालीलाई रोक्न अनुरोध गरेको छ ।

एनआरएनए घानाका अनुसार यसअघि अलपत्र पारिएका २ नेपालीको सूचनाका आधारमा सो सार्वजनिक अपिल ,गर्नुपरेको जनाइएको छ । एनआरएनए घानाका तर्फबाट केन्द्रीय अध्यक्ष कुमार पन्त, उपाध्यक्ष डा बद्री केसी, महासचिव डा. हमेराज शर्मा र आइसीसी परिवारलाई सम्बोधन गरी ७ फ्रेबुअरीका दिन लेखिएको पत्रका अनुसार पशुपति भिजन गौशलाको ठिक पछाडी कार्यालय रहेको सनराइज ह्युमन रिसोर्सले १२ नेपाली अलपत्र पर्ने गरी आइतबार उडाउँदैछ ।

 

अस्तित्वमा नै नभएको Archomet Oil Company को नाममा १२ नेपालीलाई फ्लाइ दुबई र इमिरेट्स एयरबाट घाना पुर्याई अलपत्र पार्दैछ भन्ने जानकारी प्राप्त भएकाले सो अनुरोध गर्नु परेको जनाइएको छ । यसअघि घाना पुर्याइएका पासपोर्ट नं ०८७९५८६५ का रेशम श्रेष्ठ र पासपोर्ट नं ११११६२५७ का सुमन भण्डारीले दिएको सूचना अनुसार हुँदै नभएको कम्पनीमा पाइँदै नपाइने आकर्षक तलबको लोभ देखाएर थप नेपाली त्यता लान खोजिएको छ । जनही १२ लाख तिरेर १५७० अमेरिकी डलर कमाउन गएका दुई युवा अलपत्र पारीएपछि सनराइज ह्युमन रिसोर्सको यो प्रकरण बाहिर आएको हो ।

 

उनीहरुका अनुसार नेपालको एजेण्ट अमर पाण्डेले फ्रेबुअरीको अन्तिमसम्म भनेर ढाँटी रहेको र घानाको एजेण्ट कुवाकु अनानले ‘कम्पनी देखाउन सक्दिन, तिमीहरु टिकट काटेर आफ्नै घर जाउ’ भनेर दबाब दिइरहेको बताइएको छ । अलपत्र पारिएका यी दुई युवाको सूचनाका आधारमा थप १२ नेपाली अलपत्र नपारिउन भनि गैरआवासीय नेपाली अभियन्ता हिक्मत थापाले समेत अपिल गरेका छन् ।

 

अलपत्र पारिएका रेशम श्रेष्ठ र सुमन भण्डारीलाई ७ फ्रेबुअरीसम्म पनि पासपोर्ट नदिएपछि उनीहरुको हस्तलिखित गुहार सार्वजनिक भएसँगै एनआरएनए घानाले यस्तो विशेष अनुरोध गरेको हो ।

 

 

Loading...

तपाईको प्रतिक्रिया

सम्बन्धित समाचार