जैविक चिया स्वास्थ्यका लागि निकै लाभदायक , नियमित सेवनले ८० प्रतिशत रोग निको हुने !

काठमाडाैँ ।

यहाँ स्वदेशी चियाको प्रवद्र्धन गर्न जोड दिइएको छ । जैविक चियामा भिटामिन सी, इ र बी टु पाइने तथा ग्रीन टीमा फोलिक एसिड, बिटा व्यारोटिन क्याल्सियम, फस्फोरस, म्याग्नेसियम, जिङ्क कपर, एन्टी अक्सिडेन्ट आदि तत्व पाइने र यसको प्रयोगबाट शरीरमा स्फूर्तिका साथै स्मरण शक्ति विकास हुने बताइएको छ ।

पोखरामा आज जैविक चियाको महत्व र यसले मानव स्वास्थ्यमा पार्ने प्रभावबारेमा जानकारी दिन टि टक कार्यक्रम राखिएको वसन्त ट्रेडका सञ्चालक एवं अग्र्यानिक चिया व्यवसायी रवि पौडेलले जानकारी दिनुभयो ।

‘टि टक’ कार्यक्रममा जैविक चिया विज्ञ एवं कञ्चनजङ्घा अर्थोडक्स चिया उद्योगका सञ्चालक हरि सिटौलाले चियाको उत्पत्ति र यसको विकास क्रमसँगै मानव स्वास्थमा यसको महत्वबारे जानकारी दिनुभएको थियो । माइण्ड केमस्ट रिसर्च पर्सन सिटौलाले मानव मस्तिष्कमा जैविक चियाले उत्पन्न गराउने हर्मोन र त्यसले मस्तिष्कलाई कसरी सक्रिय र निष्क्रिय बनाउन भूमिका खेल्छ भन्नेबारेमा जानकारी दिनुभएको थियो । कार्यक्रममा सहभागी ज्ञान गुरुङले सामान्य रुपमा बुझिने जैविक चियाका अनेक फाइदाबारे जानकारी लिन पाइएको प्रतिक्रिया दिनुभयो ।

उहाँले एउटै चियाको बोटबाट विविध खालका चिया कसरी तयार गर्ने त्यसको तयारी प्रक्रियाबारे जानकारी लिन सफल भएको बताउनुभयो । फिटनेस सञ्चालक कृष्णा गुरुङले स्वस्थ्य मन र शरीरका लागि जैविक चियाका अनगिन्ती गुणबारे जानकारी लिन सफल भएको बताउनुभयो । उहाँले भन्नुभयो, “हामीमा अझै जैविक चियाको महत्व थाहा छैन, यसका यति धेरै फाइदा रहेछन् । देशभित्रको उत्पादनले अन्तरराष्ट्रिय बजार लिइसक्दा पनि हामीले यसको महत्व बुझ्न सकेका रहेनछौँ ।” उहाँले नेपालीमा अझै चिया पिउने परम्परागत संस्कृति भए पनि यसको वैज्ञानिक पद्धतिबारेमा जानकारी नभएको भन्दै यस्तो कार्यक्रमले जैविक चियाको महत्व उजागर गर्ने बताउनुभयो ।

कार्यक्रम आयोजक पौडेलले सात वर्षदेखि जैविक र अर्धजैविक चियाको व्यवसाय गर्दै आएको र पछिल्लो समय नेपालीले जैविक चियाप्रति रुचि देखाएको बताउनुभयो । “जुन अनुपातमा जैविक चियाको प्रयोग हुनुपर्ने हो, त्यो अझै भएको छैन ।” पौडेलले अहिले वसन्त चिया टे«ड कन्सर्नमा चियाको मात्र ३० वटा जात उपलब्ध रहेको जानकारी दिनुभयो ।
“विभिन्न रोग लागेका व्यक्ति अहिले जैविक चिया प्रयोगबाट सञ्चो भएको भन्दै खोज्न आउने गरेका छन्”, उहाँले भन्नुभयो, जैविक चियाको राम्रोसँग प्रयोग गर्न जानियो भने शरीरको ८० प्रतिशत रोग निको हुन्छ ।” कञ्चनजङ्घा अर्थोडक्स चिया उद्योगका अर्का सञ्चालक डम्बरबहादुर खत्री र जैविक चिया व्यवसायी युवराज दाहालले पनि जैविक चियाको महत्वबारे आआफ्नो अनुभव राख्नुभएको थियो ।

तपाईको प्रतिक्रिया

Loading...

सम्बन्धित समाचार