मधुमेह के हो ? यो किन हुन्छ ?


मानव शरीरमा हुने रासायनिक प्रतिक्रियाका कारण रगतमा लामो समयसम्म चिनीको मात्रा बढी हुने रोगलाई डायबिटिज अर्थात मधुमेह भनिन्छ ।जसलाई नेपालीमा चिनीरोग पनि भनिन्छ । रगतमा चिनीको मात्रा बढी भएपछि लगातार पिसाब लाग्ने, धेरै तिर्खा र भोक लाग्ने जस्ता लक्षणहरू देखिने गर्दछन् ।
यदि मधुमेहको समयमा उपचार गरिएन भने यसले धेरै जटिल रोगहरु, समस्याहरु निम्त्याउने गर्दछ । यदि मधुमेह लामो अवधिसम्म रहेमा मुटु तथा रक्तनलीमा समस्या हुने, मिर्गौलामा खराबी हुने, अल्सर तथा आँखामा समेत खराबी आउने गर्दछ ।

किन हुन्छ मधुमेह ?

मधुमेह प्याक्रिन्याजले पर्याप्त मात्रामा इन्सुलिन उत्पादन गर्न नसकेमा वा उत्पादन भएको इन्सुलिनप्रति शरीरका कोषहरूले राम्रोसँग प्रतिक्रिया जनाउन नसकेमा उत्पन्न हुने
गर्दछ।

मधुमेहका लक्षणहरु
मधुमेहका रोगीहरूमा साधारणतय तौल घट्ने, धेरै पटक पिसाब लाग्ने, धेरै तिर्खा लाग्ने, तथा धेरै भोक लाग्ने जस्ता लक्षणहरू देखिन्छन् । आँखा धमिलो देख्ने, टाउको दुख्ने, थकाइ लाग्ने, काटेका घाऊहरू ढिलो निको हुने र छाला चिलाउने लगायतका समस्या पनि मधुमेहका लक्षणहरु हुन् ।

कसरी बच्ने मधुमेहबाट ?
मधुमेहबाट बच्न स्वास्थ्यकर खाना खाने, नियमित शारीरिक व्यायाम गर्ने, शरीरको तौल सामान्य अनावश्यक बढ्न नदिने, सुर्तीजन्य पदार्थहरू नखाने गर्नुपर्दछ ।
मधुमेहका रोगीहरूले रक्तचाप नियन्त्रणमा राख्नु तथा खुट्टाहरूको हेरविचार गर्नु आवश्यक हुन्छ । खानामा विशेष ध्यान पुर्‍याउने तथा कार्बोहाइड्रेट भएका खानेकुराको सेवन नगर्ने, बढी चिल्लोयुक्त पदार्थको सेवन नगर्नाले पनि मधुमेहबाट बच्न सकिन्छ ।

Loading...

तपाईको प्रतिक्रिया

सम्बन्धित समाचार