पालेको घोडा मारेर खाएको बताएपछि किशोरीले पाइन् मार्ने धम्की !

-एजेन्सी

काठमाडौं – नर्वेकी एक किशोरीले आफ्नो घोडालाई बाध्यतावश मार्नुपरेको र मारेपछि त्यसको मासु खाएको दाबी गरेपछि ज्यान मार्ने धम्कीको सामना गर्नुपरेको छ । आफूले खाएको मासुमध्ये सबभन्दा स्वादिष्ट त्यही भएको उनले दाबी गरेकी थिइन् ।

१८ वर्षीया पिया ओल्डेनले शुक्रवार फेसबूकमा पोस्ट गर्दै पालेको घोडाा ड्रिफ्टिङ स्पीडलाई सन् २०१८ मा बिरामी भएपछि मार्नुपरेको र त्यसको मासु आमाबुवाले फ्रिजमा राखेको बताइन् ।
ओल्डेन खाना पकाउने शेफकी सहायक हुन् र घोडचढी पनि हुन् । उनले खुर्सानी र आँपसहित घोडाको मासुको तयार पारेकी थिइन् । उनले लेखिन्, ‘मैले घोडाको मासु खाने हो आफ्नै घोडाको खान्छु ।’
ओल्डेनको परिवार कृषक हो र उनीहरू मध्य नर्वेको ट्रोनडेलागमा बस्छन् । उनको पोस्ट पढेका मानिस क्रुद्ध भएर उनलाई ज्यान मार्ने धम्की दिइरहेका छन् ।

उनले दाग्ब्लादेत पत्रिकासँग कुरा गर्दै भनिन्, ‘घोडा खाएकोमा म पनि मारिनुपर्छ भनी धेरैले लेखे । घोडा आएर मैले जनावर पाल्ने अधिकार गुमाएँ भनेर पनि एकजनाले लेखे । तर घोडालाई गाडेर कीरालाई खुवाउनु ठीक नभएको मलाई लाग्यो ।’
आफू फार्ममा हुर्केकाले जनावरहरूसँग यथार्थवादी सम्बन्ध रहेको र आफूलाई आलोचना गर्नेहरूभन्दा फरक रूपमा मासुलाई बुझ्ने गरेको उनको भनाइ छ ।
उनको फेसबूक पोस्ट एउटा ह्युमर पेजमा शेयर गरिएपछि हजारौं किसिमका प्रतिक्रिया आएका थिए । त्यसले ओल्डेनले आफ्नो पोस्ट डिलिट गरेकी थिइन् ।

Loading...

तपाईको प्रतिक्रिया

सम्बन्धित समाचार