प – रको देशमा


सुरेश जोशी

जिन्दगी र समयसँग गुनाशो चै केहि गरिएन
चुपचाप नियती सहँदै बितेछन समयका अनेकौंन ईकाई
प-रको देशमा

गर्जिन खोज्छन अनुभवका ठेलीहरु
ज्वालामुखी जस्तै बिष्फोट हुँदै
मौनताको शक्ती देखेर
चित्त बुझाउछन
प-रको देशमा

अप्रिय कहाँ लाग्छ र आफु जन्मेको माटो
त्यहि माटो भित्रको ब्यबस्था र अवस्थालाई
कोस्दै बसाई लम्ब्याउँछ मन
प-रको देशमा

ज्ञानका खानी हुन् अंग्रेज झैँ लाउथ्यो
ज्ञान त् पुर्विय दर्शनकै ठेलीमा रहेछ
बस त्यसलाई अंग्रेजले अंग्रेजीमै बेचेछ्न
र ज्ञानी भएछन
अब अंग्रेजीबाट संस्कृतमा डुबुल्की मारम
भन्छ मन
प-रको देशमा

झण्डा देख्दा राष्ट्रीयता र ईतिहासले छाती टुणीखेल हुने
पी आर र ग्रीनकार्डले छातीको चौडाई नाप्न मन लाउँछ
आफ्नो देश कुन हो आफैलाई सोध्न मन लाउँछ
जन्मेको देशले भू पु नेपाली भनिदियो
पी आर दिने देशले आप्रवासी
देश खोज्दा खोज्दै ठेस लाग्छ चेतनामा
र अक्षरमा पोखिन्छ देशप्रेम
प-रको देशमा

Loading...

तपाईको प्रतिक्रिया

सम्बन्धित समाचार