काठमाडौं ।
आफ्नो सेवासुविधाबारे ८बुँदे माग राख्दै आन्दोलनरत नर्सहरुले मानव अंग प्रत्यारोपण केन्द्रमा तालाबन्दी गरेका छन् ।
अस्पतालको सेवा ठप्प हुँदा विरामीहरु मारमा परेका छन् ।
उनीहरुले बुधबार साँझबाट इमर्जेन्सी र आईसीयू बाहेक सबै सेवा ठप्प पारेर अस्पतालमा ताला लगाएका हुन् । ‘तीन दिनदेखि कालोपट्टी बाँधेर काम गरिरहेका थियौं र हाम्रो माग सुनुवाई भएन भने आजबाट हड्ताल भनेका थियौं’ आन्दोलनरत नर्स विनिता उप्रेतीले भनिन्,’हुन्छ हुन्छ भनियो तर, ७/८ महिनासम्म झुलाउने मात्र काम भयो । त्यसैले यो अवस्था आयो ।’
नर्सहरुले ग्रेडिङ सिस्टममा जानुपर्ने, सिनियरहरुलाई इञ्चार्जको जिम्मेवारी दिनुपर्ने लगायतका माग राखेका छन् ।
तर, अस्पतालका प्रमुख पुकारचन्द्र श्रेष्ठ लगायतले आफ्ना मान्छेहरुलाई मात्र अगाडि बढाएको आन्दोलनरत नर्सहरुको आरोप छ । माग पुरा नभएसम्म आन्दोलन गर्ने नर्सहरुको अडान छ ।
अस्पतालको सेवा ठप्प हुँदा विरामीहरु मारमा परेका छन् ।
