जनसम्पर्क समिति अमेरिकाले बिज्ञप्ति निकाल्दै भन्यो , ” प्रचण्ड अपराधी हुन्,उन्मुक्ति दिनु हुँदैन “

Loading...

बाल्टिमोर,अमेरिका।

हाल अमेरिकाको डिसी क्षेत्रमा रहेका नेकपाका अध्यक्ष एवं पूर्व माओवादीका नेतृत्वकर्ता पुष्पकमल दाहाल प्रचण्डका विरुद्ध यस क्षेत्रका नेपालीहरुले सार्वजनिक विरोध गरेका छन् । उनीहरुले प्रचण्ड सहभागी हुने सबैखाले सार्वजनिक कार्यक्रम बहिष्कार गर्न मानव अधिकार संरक्षण र लोकतन्त्र पक्षधर सबैलाई आग्रह समेत गरेका छन् ।

नेपाली जनसम्पर्क समिति,अमेरिका,मेरिल्याण्ड च्याप्टरका तर्फबाट च्याप्टरको आधिकारिक फेसबुक पेजमार्फत एक विज्ञप्ति सार्वजनिक गर्दै समितिका सदस्यहरुले यस्तो आग्रह गरेका हुन् । च्याप्टर सभापति राजेन्द्र सेन्चुरीले पोष्ट गरेको कडा विज्ञप्तिमा भनिएको छ,-‘प्रचण्ड मानव अधिकारको जघन्य उल्लङ्घनकर्ता आतंककारी हुन् र विगतमा उनको नेतृत्वमा भएको मानव अधिकार हनन र हत्याका बारे अमेरिका र अन्य अन्तरार्ष्ट्रिय कानुनको ध्यानाकर्षण गराउन विरोध गर्ने निर्णय गरेका छौं।’

विज्ञप्तिमा ‘हत्या,व्यक्ति हिंसा,अपहरणजस्ता मानव अधिकार विरुद्धका जघन्य गतिविधि गर्ने कम्युनिष्ट माओवादीका प्रमुख प्रचण्ड अमेरिकाको कानुनी सर्वोच्चता र मानव अधिकार सम्बन्धी अन्य अन्तरराष्ट्रिय कानुनका दृष्टिले पनि अपराधी र आतंककारी हुन् । यस्ता आतंककारी कम्युनिष्ट अपराधीले कुनै पनि बहानामा उन्मुक्ति पाउनु हुँदैन भन्दै हामी अमेरिकी सरकारको न्यायिक निकाय र अन्तराष्ट्रिय मानव अधिकार संघ,संगठन समेतको ध्यानाकर्षण गराउन चाहन्छौं’ उल्लेख छ ।

‘आतंककारी कम्युनिष्ट अपराधीले कुनै पनि बहानामा उन्मुक्ति पाउनु हुँदैन भन्दै हामी अमेरिकी सरकारको न्यायिक निकाय र अन्तराष्ट्रिय मानव अधिकार संघ,संगठन समेतको ध्यानाकर्षण गराउन चाहन्छौं’ विज्ञप्तिमा भनिएको छ ।

विज्ञप्तिमा उल्लेख भए अनुसार,अमेरिकी न्यायिक निकाय र अन्य अन्तर्राष्ट्रिय मानव अधिकारवादी संघ,संगठनको आवश्यक ध्यानाकर्षण गराउन र प्रचण्डलाई अन्तरराष्ट्रिय अपराध सम्बन्धी कानुनी प्रक्रिया कार्यान्वयन गर्न,गराउनका लागि एक कार्यदल समेत गठन गरिएको छ ।

बिज्ञप्तीको पूर्णपाठ :

मिति: मार्च २० ,२०१९

अमेरिकामा रहेका नेपाली जनसम्पर्क समितिका सदस्यहरु र माओवादी द्वन्द्वपीडित र लोकतन्त्र पक्षधरहरुको दश वर्षे जघन्य हिंसाका कम्युनिष्ट नाइके पुष्पकमल दाहाल प्रचण्डको अमेरिका भ्रमण प्रति गम्भीर ध्यानाकर्षण भएको छ । वासिंगटन डिसी मेट्रो क्षेत्र (भर्जिनिया,डिसी र मेरिल्याण्ड) मा बसोवास गर्दै आइरहेका हाम्रो संयुक्त छलफलले हाल डिसी क्षेत्रमा रहेका प्रचण्डको सबैखाले सार्वजनिक कार्यक्रम बहिष्कार गर्ने र विगतमा उनको नेतृत्वमा भएको मानव अधिकार हनन र हत्याका बारे अमेरिका र अन्य अन्तरार्ष्ट्रिय कानुनको ध्यानाकर्षण गराउन विरोध गर्ने निर्णय गरेको छ ।

प्रचण्ड सत्र हजार नेपालीको हत्याका जिम्मेवार कम्युनिष्ट पार्टी माओवादीका नाइके हुन् । उनको नेतृत्वमा भएको मानव अधिकार हनन् र जघन्य प्रकृतिका घटनाहरुका कारण नेपालले दश वर्ष लामो हिंसा बेहोर्नु पर्‍यो। जुन हिंसा र हत्याका कारण निर्दोष नेपाली बालबालिकाहरु मारिए, हजारौं नेपाली अंगभंग भए र लाखौँ नेपाली विस्थापित भएका छन् ।

अध्यापनरत् शिक्षकहरुको अपहरण गरी पाशविक हत्या गर्ने,पत्रकार,व्यवसायी,कम्युनिष्ट विचारको समर्थन नगर्ने कांग्रेसजन तथा लोकतन्त्रवादलाई समर्थन गर्ने र सर्वसाधारण नागरिकलाई समेत क्रुर रुपमा आक्रमण र हत्या गर्ने हत्यारा कम्युनिष्ट पार्टीका जिम्मेवार हुन् प्रचण्ड । स्वतन्त्रतापूर्वक आफ्नो जिवन यापन गरेर बाँच्न पाउने नैसर्गिक मानव अधिकारको जघन्य हननकर्ता हुन् प्रचण्ड । सुरक्षाकर्मी,सरकारी कर्मचारीलाई क्रुर रुपमा हत्या गर्ने,बैंक लुटपाट र कब्जा गर्ने,सरकारी एवं सार्वजनिक संरचना ध्वस्त गर्नेलगायतका हिंसा र मानव अधिकारको जघन्य उल्लङ्घनकर्ता आतंककारी हुन प्रचण्ड । तसर्थ, मानव अधिकारको उच्च सम्मान गर्ने मुलुक अमेरिकामा बसोवास गर्ने हामीले जुनसुकै प्रकारका हिंसा र आपराधिक गतिवधिका विरुद्ध आवाज बुलन्द गर्नु लोकतन्त्र पक्षधर हामी सबैको दायित्व हो ।

आततायी गतिविधि गर्ने जो कोहीलाई पनि अमेरिकी न्यायिक निकाय र अन्तरार्ष्ट्रिय मानव अधिकार उल्लंघन सम्बन्धी नियमन गर्ने न्यायिक निकायले ढिलो चांडो कानुनी दायरामा ल्याई कारवाही गर्दै आइरहेको नजीर हामीसंग छ । यस अर्थमा हत्या,व्यक्ति हिंसा,अपहरणजस्ता मानव अधिकार विरुद्धका जघन्य गतिविधि गर्ने कम्युनिष्ट माओवादीका प्रमुख प्रचण्ड अमेरिकाको कानुनी सर्वोच्चता र मानव अधिकार सम्बन्धी अन्य अन्तरराष्ट्रिय कानुनका दृष्टिले पनि अपराधी र आतंककारी हुन् । यस्ता आतंककारी कम्युनिष्ट अपराधीले कुनै पनि बहानामा उन्मुक्ति पाउनु हुँदैन भन्दै हामी अमेरिकी सरकारको न्यायिक निकाय र अन्तराष्ट्रिय मानव अधिकार संघ,संगठन समेतको ध्यानाकर्षण गराउन चाहन्छौं ।

हाल अमेरिकामा रहेका यिनै कम्युनिष्ट आतंककारीको सार्वजनिक विरोध गर्नु र उनी सहभागी हुने सबैखाले कार्यक्रम बहिष्कार गर्नु, उनको नेतृत्वमा भएको हिंसा र आतंकबाट पीडित सम्पूर्ण नेपालीहरुको पक्षमा बोल्नु हो भन्ने हाम्रो ठहर छ । हामी हाम्रो मातृभूमि नेपाललाई माया गर्ने लोकतन्त्र पक्षधर सबैलाई हत्यारा कम्युनिष्ट नाइकेको विरोधमा ऐक्यवद्धताका लागि अपील गर्दछौं । यसका लागि हामी डिसी मेट्रो क्षेत्रमा बसोवास गर्ने कांग्रेसजनहरुको तर्फबाट अमेरिकी न्यायिक निकाय र अन्य अन्तर्राष्ट्रिय मानव अधिकारवादी संघ,संगठनको आवश्यक ध्यानाकर्षण गराउन र प्रचण्डलाई अन्तरराष्ट्रिय अपराध सम्बन्धी कानुनी प्रक्रिया कार्यान्वयन गर्न,गराउनका लागि एक कार्यदल समेत गठन गरिएको छ ।

साथै, नेपाली जनताले तिरेको करको रकमबाट भ्रमण सहुलियत दिने गरी करदाताको रकम दुरुपयोग, र सम्पूर्ण विदेशमा रहेका नेपालीहरुले विप्रेषण (remittance) मार्फत योगदान गरेको रकमको समेत दुरुपयोग नभएको होस भनि नेपाल सरकार एवं वासिंगटन डिसी स्थित नेपाली राजदूतावासको ध्यानाकर्षण गराउदै प्रचण्डको भ्रमण खर्चको विवरण पारदर्शी रुपमा सार्वजनिक गर्न अनुरोध गर्दछौं ।

Loading...

तपाईको प्रतिक्रिया

सम्बन्धित समाचार