काठमाडौं । महानगरीय अपराध महाशाखाले प्रेस काउन्सिल नेपालका पदाधिकारीको मान प्रतिष्ठामा आघात पु¥याउने गरी सामाजिक सञ्जालमा जथाभावी लेख्ने दुई जनालाई पक्राउ गरेको छ ।
महाशाखाको टोलीले न्यूज २४ टेलिभिजनमार्फत प्रसारण हुने ‘सीधा कुरा जनता’ उपर परेको उजुरीका आधारमा छानबिनका घटनालाई आधार बनाई सामाजिक सञ्जालमा जथाभावी लेख्ने इलाम घर भई ललितपुर बस्ने विनोद गौतम र नवलपरासीका ३६ वर्षीय विष्णु ढकाललाई मंगलबार पक्राउ गरेको हो ।
पक्राउ परेकामध्ये गौतमलाई टेकु र ढकाललाई नवलपरासीको सुनवलमा पक्राउ गरी आज काठमाडौँ ल्याइएको हो । उनीहरुलाई विद्युतीय कारोबार ऐनअन्तर्गत महानगरीय प्रहरी परिसर काठमाडौँमा अनुसन्धान गरिरहेको छ ।
सामाजिक सञ्जालमा जथाभावी लेख्नेलाई विद्युतीय कारोबार ऐन, २०६३ को दफा ४७ बमोजिम रु एक लाखसम्म जरिवाना, पाँच वर्षसम्म कैद वा दुवै सजाय हुने व्यवस्था छ ।
के भन्छन् त ‘सिधाकुरा जनतासँग’ कार्यक्रमका सञ्चालक रवि लामिछाने ?
यता ‘सिधाकुरा जनतासँग’ कार्यक्रम सञ्चालक रवि लामिछानेले पटक पटक सबैलाई सामाजिक सञ्जालमा संयमित हुन, धम्की तथा गाली गलौजको भाषा प्रयोग नगर्न आफ्नो समर्थकहरुलाई आग्रह गरिरहेका छन् ।
https://www.facebook.com/579932042203255/videos/828635883999535/?t=9
दुई जना पक्राउ परेकाको बारेमा प्रतिकृया माग्दा उनले विद्युतिय कारोबार ऐनको सबैले पालना गर्नु पर्ने कुरामा जोड दिदै पक्राउ पर्नेहरुले क्षणिक आवेश र आक्रोशमा आई त्यस्तो लेखेको हुनसक्ने लामिछानेले बताएका छन् ।
त्यस्तै पक्राउ परेकाहरुको नियत अपराधिक नहुनसक्ने तर अत्याधिक समर्थन र अत्याधिक विरोधमा त्यस्ता शब्दहरु प्रयोग भएको हुनसक्ने अनुमान लागएका छन । साथै, पक्राउ परेकाहरुलाई सचेत गराई क्षमा गरियोस् भनी मागसमेत गरेका छन् ।
