काठमाडौं । रसियामा जारी २१ औं संस्करणको फिफा विश्वकप फुटबलमा समूह ‘सि’ तर्फको दुई खेलहरू सुरु भएको छ । नेपाली समय अनुसार ७ः ४५ बजे दुई खेल सुरु भएको हो ।
अष्ट्रेलिया भर्सेस पेरु
आज हुने पहिलो खेलमा अष्ट्रेलिया र पेरु आमने सामने भएको छ । फिस्टस्टेडियममा नेपाली समय अनुसार पौने ८ बजे यी दुुई टोलीको खेल भएको हो । ‘सि ‘को समुह चरणको दुवै खेलमा जित हात पारेको फ्रान्स ६ अंकसहित शीर्ष स्थानमा छ ।
अष्ट्रेलिया एक हार र एक बराबरीसहित १ अंकसहित तेस्रो स्थानमा रहदा पेरु विना अंक समूहको अन्तिम स्थानमा छ । उस्का लागि अन्तिम १६ को यात्रा अष्ट्रेलियासंगको जित पछि पनि काम लाग्ने अवस्थामा छैन् । अष्ट्रेलियाले जित निकाले अन्तिम १६ को यात्राका लागि फ्रान्स र डेनमार्कको खेल भर पर्नु पर्ने हुन्छ ।
डेनमार्क भर्सेस फ्रान्स
समुह सिको पौने ८ मा अर्को खेल डेनमार्क भर्सेस फ्रान्स सुरु भएको छ । समुह चरणमा एक खेलमा जित र एक खेलमा हार व्यहोरेको डेनमार्क चार अंक बनाउँदै तालिकाको दोस्रो स्थानमा छ ।
अन्तिम १६ मा पर्न डेनमार्कले आजको खेलमा जित निकाले पक्का हुनेछ । हार भोग्ने अन्य टिमको नतिजामा भर पर्नु पर्ने हुन्छ । उता फ्रान्स भने एक खेल खेल्नु अगावै अन्तिम १६ मा स्थान बनाईसकेको छ ।
