चलचित्र ‘पुरानो बुलेट’ निर्माण हुने भएको छ। बिहीबार राजधानीमा एक कार्यक्रमआयोजना गर्दै चलचित्रको औपचारिक निर्माण घोषणा गरिएको हो। भिषण राईले निर्देशन गर्ने चलचित्रमा अनुपविक्रम शाही, वर्षा सिवाकोटी र माला लिम्बू,कविता आले, शिव मुखिया, कृष्णभक्त महर्जन, शिरोमणी दवाडी, दिवज राईलगायतको मुख्य भुूमिका रहने छ।
क्रेजी इन्टरटेन्टमेन्टको ब्यानरमा निर्माण हुने चलचित्रमा दीपेन्द्र लिम्बू, विरेन साम्बा, टीकाराम राई र अशोक साम्पाङ राईको लगानी रहनेछ। सन्तोष राई कार्यकारी निर्माता रहेको चलचित्रको असार १५ गतेबाट छायांकन सुरु हुने चलचित्रले समसामयिक विषयवस्तुलाई उठान गर्नेछ। चलचित्रमा हरि घलेको छायांकन,निर्देशक राई र सन्तोष राईको कथा, उत्तम जंग लिम्बुकोे संगीत, राजेशपायल राई, जयन जे. वाइवा र उत्तम जंग लिम्बुको गायन रहनेछ ।
