धनुषा-
जनकपुर अञ्चल अस्पतालका मेसु डा रामपरीक्षण यादवलाई कालोमोसो दलिएको छ । युवाहरुको एक समूहले दिउसो उनकै कार्यकक्षमा कालोमोसो दलेको हो।
अस्पतालमा चिकित्सकको लापरवाहीले सर्वसाधारणको ज्यान गइरहेको भन्दै उनीहरुले डा यादवलार्इ कालोमोसो दलेका हुन्।
कालोमोसो दल्ने ६ जनालार्इ प्रहरीले पक्राउ गरेको बुझिएको छ । नेपाली काँग्रेस निकट तरुण दल, नेविसंघ, नयाँ शक्ति नेपाल विद्यार्थी संगठन र स्थानीय युवाहरु सेवा सुधारको लागि ज्ञापन पत्र बुझाउन पुगेका थिए।
यसक्रममा मेसु डा यादव र उक्त समूहबिच भनाभन भएपछि त्यहीँ रहेको कालो मसी अनुहारमा दलिएको अस्पतालका एक कर्मचारीले बताए ।
