करिना कपुर आजकाल आफ्नो फिल्म ‘वीरे दी वेडिङ’ को प्रोमोशनमा व्यस्त छिन् । फिल्म प्रोमोशनका क्रममा करिना स्टाइलिश र बोल्ड आउटफिटमा देखिने गर्छिन् । फिल्ममा प्रोमोशनको क्रममा करिनाको लुक प्रशंसकलाई निकै मन परिरहेको छ । तर करिनाको सेक्सी एण्ड हट लुक श्रीमान् सेफ अली खानलाई भने मन परेन । यतिमात्र होइन, करिनालाई कालो कपडामा दखेर उनका श्रीमानले कपडा परिवर्तन गर्ने आदेशसमेत दिएका थिए । यसबारे करिनाले एक अन्तर्वार्तामा खुलासा गरेकी हुन् ।
घटना के हो भने, हालै करिना कपुर उनको नयाँ फिल्मको म्युजिक लञ्च कार्यक्रममा पुगेकी थिइन् । त्यतिबेला उनले कालो रङको हट र सेक्सी ड्रेस लगाएकी थिइन् ।
कार्यक्रम पछि करिना जब घर गइन् तब सेफले उनको परिहनबारे टिप्पणी गरेको उनले बताइन् । सेफको भनाई उद्धृत गर्दै उनले भनिन्, ‘तिमीले यो के लगाएको ? जाउ कपडा परिवर्तन गरेर आउ’ ।
करिनाका अनुसार जब उनले सेफलाई कार्यक्रमको फोटो देखाइन् तब उनले लगाएको लुगा राम्रो भएको टिप्पणी गरे ।
निर्देशक शशांक घोषको फिल्म ‘वीरे दी वेडिङ’ जून १ मा रिलिज हुँदैछ । फिल्ममा करिनाका साथै सोनम कपुर, स्वरा भास्कर, शिखा तलसानिया मुख्य भुमिकामा छन् ।
