इन्डियन प्रिमियर लिगमा आफ्नो बलिङको जादु देखाएका सन्दीप लामिछाने मंगलबार स्वदेश फर्किएका छन् । सन्दीप दिउँसो ४ बजेर १५ मिनेटमा जेट एयरवेजको विमानबाट त्रिभुवन विमानस्थलमा आइपुगेका हुन् । उनलाई विमानस्थलमा भव्य स्वागत गरिएको थियो । दिल्लीबाट नेपाल फर्केसँगै दिल्ली डेयरडेभिल्सले ट्वीट गर्दै सन्दीपलाई धन्यवाद दिएको छ । दिल्लीले ट्वीट गर्दै सन्दीपले नेपालको शीर उचो बनाएको जनाएको छ ।
दिल्लीले सन्दीपले खेलेका तीन वटै खेलमा विकेट लिन सफल भएको जनाउँदै सन्दीपको ‘प्यासन’ र ‘पर्फमेन्स’ म्याच भएको जनाएको छ । साथै सन्दीपजस्तो प्रतिभावान युवा क्रिकेटर आफ्नो टिममा हुनु टिमको गर्वको विषय भएको बताउँदै अर्को सिजनको आईपीएलमा सन्दीप दिल्लीमै रहने विश्वास दिल्ली डेयरडेभिल्सले व्यक्त गरेको छ ।
दिल्ली डेयरडेभिल्सले आफ्नो टिमका सबै खेलाडीलाई धन्यवाद दिँदै ट्वीट गरेको छ ।
