उपराष्ट्रपति नन्द बहादुर पुनका छोरा एवम् समाजसेवि दिपेश पुनले ब्लड मनिको अभावमा साउदीको जेलमा रहेका गोरखाका कुमार पुन र रोल्पा निवासी दिलबहादुर घर्तीलाई केही समय मै नेपाल झिकाउने पीडित परिवारलाई वचन दिएका छन् ।
काठमाडौमा बुधबार आयोजित दिल बहादुर घर्ती कुमार राना बचाउ अभियान कार्यक्रममा पुनले कुमार राना र दील बहादुर दाईको परिवारलाई ढुक्क रहेर बस्न र तत्काल उद्धार गर्न सरकार लागीपरेको उल्लेख गरे ।
यूवा नेता पुनले कुमार राना र दिल बहादुरको जीवन सकुसल नेपाल ल्याउने बताए । गत असोज १० गतेदेखि साउदीको जेलमा रहेका कुमार रानाको परिवारले पुनलाई बचाउनको लागि आग्रह गरेका छन् ।
