फिल्म ‘काले दाई’को पहिलो गीत ‘राइफलको सिरानी’ सार्वजनिक भएको छ । उक्त गीतमा सुमन बैरागीको शब्द, दीपक शर्माको संगीत, धुर्व विश्को र शमिहा श्रेष्ठको स्वर रहेको छ भने रामजी लामिछानेको कोरियोग्राफी रहेको छ । लोक लय रहेको गीतमा फिल्मका कलाकारहरु इंद्र राम्जाली, बिनु शाक्य र रामचन्द्र अधिकारीले कम्मर मर्काएका छन् ।
शमशेर गुरुङ र इन्द्र राम्जालीले निर्माण गरेको फिल्ममा पवन गौतम र रामेश्वर कार्कीको छायाँकन र तारा थापा किम्भेको सम्पादन रहेको छ । शिव शर्माले निर्देशन गरेको फिल्ममा इन्द्र राम्जाली, शिशिर भण्डारी, अनु पराजुली, रामचन्द्र अधिकारी, सुरेन्द्र केसी, गीता अधिकारी, विष्णु सापकोटा, सारिका घिमिरे, उत्तम केसी, गोविन्द श्रेष्ठ लगायतका कलाकारहरुको अभिनय रहेको छ ।
