नेकपा (एमाले) र नेकपा (माओवादी केन्द्र)ले कम्युनिष्ट पार्टी स्थापना भएको अवसरमा संयुक्त कार्यक्रम गर्ने भएका छन् । पार्टी एकीकरणका लागि अन्तिम तयारी गरिरहेका दुवै पार्टीले ९ गते अर्थात आइतबार संयुक्त रुपमा स्थापना दिवसको कार्यक्रम गर्न लागेका हुन् । कार्यक्रम प्रदर्शनीमार्गस्थित राष्ट्रिय सभागृहमा मध्यान्ह १२ बजे हुनेछ । कार्यक्रमलाई एमालेका अध्यक्ष समेत रहेका प्रधानमन्त्री केपी ओली र माओवादी केन्द्रका अध्यक्ष पुष्पकलम दाहाल प्रचण्डले सम्बोधन गर्ने छन् । यसअघि कम्युनिष्ट पार्टी स्थापना भएको दिन एमाले–माओवादी केन्द्रबीच पार्टी एकीकरण हुने भनिएको थियो । तर, केही विषयमा सहमति जुट्न नसकेकाले पार्टी एकीकरणको विषय लम्बिएको छ ।
कम्युनिष्ट पार्टीको स्थापना दिवसमा एमाले–माओवादीको संयुक्त कार्यक्रम
