होटल सोल्टीमा रहेका क्यासिनोबाट ८ जना नेपालीलाई प्रहरीले पक्राउ गरेको छ ।
क्यासिनो मान्जोङमा जुवा खेलिरहेको अवस्थामा मंगलबार राती उनिहरुलाई पक्राउ गरेको हो । प्रहरीले जुवा खेलिरहेको अवस्थामा क्यासिनोका प्रबन्ध निर्देशक विनोद श्रेष्ठ, प्रमुख कार्यकारी अधिकृत ओम कर्माचार्यसहित आठ जनालाई पक्राउ गरेको जानकारी दिएको छ ।
पक्राउ पर्नेमा मकवानपुरका विकल्प पोखरेल, ललितपुरका शंखर पौडेल, अरुण सेडाईं, काठमाडौँका तेन्जिङ मेलेक, रञ्जित खड्गी र मुस्ताङका साङ्गे पासाङ ठकुरी छन् । नेपालीलाई प्रवेश निषेध गरिएको क्यासिनोमा छिरेर जुवा खेलिरहेको विशेष सूचनाका आधारमा उनिहरु पक्राउ परेका हुन ।
