बलिउड अभिनेत्री श्रीदेवीलाई राष्ट्रिय पुरस्कार दिइएको छ । यद्यपि पुरस्कार पाउँदासम्म उनको मृत्यु भइसकेको छ । मृत्यु भएको २ महिनापछि श्रीदेवीले उत्कृष्ट अभिनेत्रीको राष्ट्रिय पुरस्कार पाएकी हुन् । ६५ औं राष्ट्रिय फिल्म अवार्डको घोषणा हुँदा श्रीदेवीलाई उत्कृष्ट अभिनेत्रीको रुपमा चयन गरिएको हो । श्रीदेवीलाई उनको अन्तिम फिल्म ‘मम’को लागि उत्कृष्ट अभिनेत्रीको पुरस्कार दिइएको हो ।
फिल्म न्यूटनलाई बेस्ट फिचर फिल्म र फिल्मका पंकज त्रिपाठीलाई विशेष पुरस्कार दिइएको छ । बाहुबली २ लाई उत्कृष्ट स्पेशल इफेक्टको पुरस्कार दिइएको छ । उत्कृष्ट कोरियोग्राफीको अवार्ड ट्वाइलेट एक प्रेमकथालाई दिइएको छ । बाहुबली २ को लागि अब्बास अली मुगललाई उत्कृष्ट द्वन्द्व निर्देशकको पुरस्कार दिइएको छ ।
