दर्शक म सँगै रुन्छन्ः प्रदीप खड्का काठमाडौ । अभिनेत प्रदीप खड्काले लिलिबिलि प्रेमकथाले भरिएको मनोरञ्जनात्मक चलचित्र भएको बताएका छन् । सोमबार राजधानीमा आयोजित एक कार्यक्रममा लिलिबिलि प्रेमकथामा बनेको भएपनि आम चलचित्र भन्दा फरक भएको दाबी गरे । ‘अहिले बजारमा जे बिक्छ । मैले त्यही दिने कोसिस गरेको छु’ प्रदीपले भने ‘दर्शक चलचित्र हेर्दा मसँगै रुन्छन् र सँगै हाँस्छन् ।’ अभिनेत्री जसिता गुरुङ, निर्देशक मिलन चाम्स, निर्माता गोबिन्द शाही समेत उपस्थित कार्यक्रममा प्रदीपले आफ्नो क्रेज र फ्यानको माया चलचित्रले जोगाउने बताए । चलचित्र प्रेम गीतको दुई सिक्वेल हिट दिएका प्रदीपले लिलिबिलिको सफलता र असफलताले आफ्नो करियरमा केही फरक नपार्ने सुनाए ।
भने ‘हरेक चलचित्रमा बेष्ट दिने मेरो कोसिस रहन्छ । चलचित्रको व्यावसाहिक सफलता र असफलता अर्काे पाटो हो ।’ लिलिबिलि प्रचारका लागि राखिएको यो कार्यक्रममा निर्देशक मिलन चाम्सले भने ३ वर्षभित्रमा आफुले चलचित्र निर्देशनबाट सन्यास लिने उद्घोष गरे । ‘अबको २ वा ३ वर्षमा म चलचित्र निर्देशनबाट हात झिक्नेछु ’ चाम्सले भने ‘चलचित्र प्रति मेरो वितृष्णा जागेको छ ।’ चलचित्रका लागि आफुले धेरै कुरा त्याग गरेको बताएका चाम्सले चलचित्रकर्मीले नै चलचित्रको बिषयमा बोलेको नराम्रो शब्दले आफ्नो मन दुखेको बताए । दरबारमार्गमा चलिरहेको होटल र एक्सपोर्ट इनपोर्टको विजनेश छाडेर चलचित्रमा आफु होमिएको उनको भनाई थियो । अभिनय, निर्माण र बितरणमा आफुलाई क्रियासिल राख्दै आएका चलचित्रका निर्माता गोबिन्द शाहीले दर्शकको लोकेसन प्रतिको मोनोटोनस हटाउन लिलिबिलि पुरै छायाँकन बिदेशमा गरिएको बताए ।
उनले बलिउड र हलिउड चलचित्रसँग प्रतिसप्रर्धा गर्ने खालको लिलिबिलि बनाएको दाबी गरे । अभिनेत्री जसिता गुरुङले पनि चलचित्रबाट धेरै सिक्न पाएको बताइन् । पहिलो चलचित्र नै राम्रो टिमसँग काम गर्ने मौका पाएको बताएकी गुरुङले लिलिबिलिमा प्रदीपसँग राम्रो केमिष्ट्री जमेको उनको भनाई रहेको छ । निर्देशक मिलन चाम्सको लिलिबिलि प्रदर्शनमा आउन लागेको चौथो चलचित्र हो । ‘हँसिया’बाट निर्देशनमा होमिएका मिलनको ‘वीर विक्रम’, ‘ब्लाइन्ड रक्स’ले पनि ब्यवसाय गरेनन् । उनले आफ्नो अघिल्लो चलचित्र मेकर्सले नै खुट्टा तानेका कारण असफल भएको भनाई राखे । लिलिबिलि यहि ३० गतेबाट प्रदर्शनमा आउदैछ । चलचित्रमा प्रदीप र जसिताको अलवा प्रियंका काकी, अनुपविक्रम शाही, सविन श्रेष्ठ, मनिष श्रेष्ठ, धुर्वदत्त, रितेस चाम्स आदिको अभिनय रहेको छ ।
