काठमाडौं । करिष्मा मानन्धर नेपाली चलचित्र क्षेत्रकी बोल्ड एण्ड ब्यूटि सदाबहार नायिका हुन ।
उनको चर्चा अहिले पनि नेपाली चलचित्र बजारमा निकै हुने गरेको छ । पछिल्लो समय चलचित्रमा कम मात्रामा देखिने करिष्मा अभिनित चलचित्र ‘हिरोज’ आउँदो शुक्रबारदेखी प्रदर्शनमा आउँदैछ ।
सुन्दरताका कारण सधै चर्चामा आउने करिष्मा पछिल्लो वर्ष पढनका लागि स्कूल जान थालेको खबरले एकाएक चर्चामा रहिन । यसैबिच एक अनलाइनले पछिल्लो पटक गरेको कुराकानीका क्रममा करिष्माले पढनलाई उमेरको हकबन्दी नहुने बताईन् ।
आफूले १४ वर्षको उमेरमा विद्यालय छाडेर चलचित्र क्षेत्रमा प्रवेश गरेको सम्झँदै करिष्माले त्यसबेला अपुरो रहेको आफ्नो विद्यालय शिक्षालाई पुरा गर्न विद्यालय जान थालेको बताईन् । कुनै पनि देशको विकासको मुख्य मेरुदण्ड शिक्षा भएको करिष्माले बताईन् । करिष्माले केही दिन अघिमात्रै कक्षा ९ को वार्षिक परीक्षा सकाएकी छिन् ।
०४२ सालमा चलचित्र ‘सन्तान’बाट नायिकाको रुपमा डेब्यु गरेकी करिष्मा नेपालकी चर्चित नायिकाको रुपमा चिनिन्छन् । उनले अभिनय गरेका दर्जनौँ चलचित्र सफल चलचित्रको रुपमा स्थापित छन् ।
