आयुर्वेदमा तुलसी स्वास्थ्यको लागि वरदान मानिन्छ । यसको जरा देखि बीउ सम्मको प्रयोग अलग-अलग रोगहरूको उपचारमा गरिन्छ । तुलसीमा पाईने एन्टीअक्सीडेन्ट्स जस्ता न्यूट्रीएन्ट्सले कयौँ स्वास्थ्य समस्याबाट बचाउँछ । यसकारण आज यहाँ तुलसीको पानीको ५ फाइदाको बारेमा चर्चा गरिएको छ, जुन यस्ता छन् ।
तुलसी पानी कसरी तयार गर्ने ?
एक गिलास पानीमा तुलसीको तीन-चार पातलाई मिलाएर राख्नुहोस् । यस पानीलाई बिहान छानेर पिउनुहोस् । जो मानिसहरूलाई रुघाखोकीको समस्याले पटक-पटक सताउँछ, उनीहरूले यस पानीलाई उमालेर पिउँदा अझ उपयोगी मानिन्छ ।
तुलसीको प्रयोगले तयार हुने यी चीज पनि स्वास्थ्यका लागि फाइदाजनक हुन्छ ।
तुलसीको चिया- यसले ज्वरो, मलेरिया र डेंगुको असर कम हुन्छ ।
तुलसीको दूध- रुघाखोकी र पेटको समस्याबाट बचाउन तुलसीको दूध निकै लाभदायक हुन्छ । जो मानिसलाई राती निन्द्रा नलाग्ने समस्या हुन्छ, उनीहरूले यसलाई पिउनु फाइदाजनक हुन्छ ।
तुलसीको जूस- तुलसीको पातलाई पिसेर यसको जूस तयार हुन्छ । यसलाई पिउँदा कफको समस्याबाट छुटकारा मिल्छ ।
तुलसी पानीको ५ फाइदा–
१-यसमा एन्टी इन्फ्लेमेटरी गुण हुन्छ । यसले जोर्नी दुख्ने समस्याबाट आराम दिन्छ ।
२-यसले शरीरको विषाक्त पदार्थलाई बाहिर निकाल्छ । यसले मृगौला र कलेजोको समस्याबाट बचाउँछ ।
३-यसले शरीरमा एसिडको लेभल सन्तुलित राख्छ । यसले एसिडिटी जस्ता पेटको समस्याबाट बचाउँछ ।
४-यसलाई पिउँदा ब्लड शुगर लेभल नियन्त्रण रहन्छ । यसले डायबिटीजको खतराबाट जोगाउँछ ।
५-यसमा पाईने फाइटोकेमिकल्स क्यान्सरबाट बचाउँछ ।
