पोखरा।पोखराका लेखनाथ महानगरपालिका–९ नयाँबजारस्थित वाम गठवन्धनको सम्पर्क कार्यालयमा बम विष्फोट गरिएका छन् । बम विष्फोटबाट घरको सटरमा क्षति पुगेका छन् तर मानवीय क्षति भने नभएको जिल्ला प्रहरी कार्यालय कास्कीका प्रवक्ता खड्गबहादुर खत्रीले जानकारी दिए।
घना बस्ती भएको सो ठाउँमा बम विष्फोट भएपछि स्थानीयवासी त्रसित भएका छन् ।
अज्ञात समूहले आज साँझ सिरहाको मिर्चैया नगरपालिका–५ स्थित वाम गठबन्धनको सम्पर्क कार्यालयमा पनि बम विष्फोट गराएको छ भने संघीय समाजवादी फोरम नेपालको प्रचार गाडीमा बम फेला परेको छ ।
