बालाचतुर्दशीको अवसरमा पशुपतिनाथ मन्दिर परिसरमा नागमणिसहित अन्य दुर्लभ सामग्री सार्वजनिक गरिने भएको छ।
सो अवसरमा पशुपतिनाथको कवच, मुकुट, र एकमुखे रुद्राक्ष सर्वसाधारणलाई दर्शन गराउने व्यवस्था पशुपति क्षेत्र विकास कोषले मिलाएको छ।
शनिबार बिहान ९ बजेदेखि १२ बजेसम्म भक्तजनलाई दर्शन गराउने व्यवस्था मिलाइएको कोषका कार्यकारी निर्देशक रमेशप्रसाद उप्रेतीले बताए।
हरेक वर्ष शतबीज छरेको भोलिपल्ट यस्ता दुर्लभ वस्तु प्रदर्शन गरिँदै आएको छ।
