नयाँ दिल्ली- भारतीय प्रधानमन्त्री नरेन्द्र मोदीको कार्यालयमा मंगलबार बिहान आगलागी भएको छ ।
आगलागीलाई नियन्त्रण गर्नका लागि तत्कालै १० वटा दमकलको परिचालन गरिएको थियो । सरकारी अधिकारीहरूका अनुसार २ सय ४२ नम्बरको कोठामा एसीबाट आकस्मिक रूपमा आगो सल्किएको थियो ।
आगलागी भएको करिब २० मिनेटभित्र नै आगलागीलाई नियन्त्रणमा लिइएको थियो । आगलागीका कारण भएको क्षतिबारेको विवरण भने आउन बाँकी नै रहेको छ ।
