पासा पुच: गुठी यू.के . ले सय सामुहिक म्ह पूजा र नेपाल संवत ११३८ को कार्यक्रम एकै चोटी गर्ने भएको छ l गुठीले सोही अवसर पारेर नेवारी सांस्कृतिक नाचहरु गण नाच ,लाखे नाच , कुमारी झाँकी , धिमे बाजा र विभिन्न हुँला प्याँखहरुको आयोजना गर्ने भएको हो l
पासा पुच: गुठी साउथ इष्ट लन्डन म्ह पूजा कार्यक्रम संयोजक माधबलाल श्रेष्ठका अनुसार गुठीले उक्त कार्यक्रम २० अक्टोबर २०१७ मा सेन्ट मिकेलाज कम्युनिटी सेन्टर विलिङ्गमा गर्नेछ l पासा पुच: गुठी नेवारी समुदायको धर्म र संकृतिका लागि सक्रिय संस्था हो l बेलायतका विभिन्न ठाउँ हरुमा यस गुठीले आफ्नो कार्यक्रम गरिसकेको छ l
नेवारी भोज र पूजाका लागि सम्पूर्ण इच्छुकलाई पासा पुच: गुठी साउथ इष्ट लन्डनका अधक्ष्य सुशील प्रजापती र संस्थाका सक्रिय महासचिव नगेन्द्र श्रेष्ठले निमन्त्रणा गरेका छन् l गुठीका अनुसार नेवारी समुदायको कार्यक्रम भएपनि नेपाली सस्कृतिकै जगेर्ना स्वरुप आयोजना गरिएकोले जाति बिशेष नभई सम्पूर्ण प्रवासी नेपालीलाई सह भागी हुन आव्हान गरेको हो l
